首先呢
為人父母搭飛機第一個問題
就係只可以㨂「早機去晚機返」
因為細路唔捱得、唔夜得、食飯要準時、唔可以瞓機場、唔可以瞓飛機...(下刪三百字)
假設正常小朋友瞓到九點自然醒
》飛的去到機場已經十點幾十一點
》預早2小時check in 時間
= 起碼搭1:00後嘅飛機
》機程4小時
》加1小時時差
= 起碼6點先到日本
》入境手續
》一個鐘火車車程
= 起碼8點先剷得到去東京巿中心
再check in 放低行李,隨時九點先可以食晚餐!
到時舟車勞頓
小朋友(同佢老母)應該會開始唔出聲😑
然後開始黑面😒
繼而假笑😊
跟住你連續幾日都唔撚駛有好日子過👻👻👻
有見及此
我今次訂咗下晝起飛嘅航班
一到步唔出東京,而先留響成田玩幾日
咁樣可以免除咗搭早機而須要早起身
又唔怕夜一夜先到酒店
更加唔會影響一日三餐個時間表🤘😎
明眼嘅人見到咁多行李
應該會感到奇怪:
點解日本咁多嘢買仲要帶咁多嘢去?
跟住第二個問題
就係咁仲邊有位 / weight allowance 去掃貨?
冇計啦
因為我係四月出發,日夜溫差好大
日頭感覺接近卅度,但係夜晚醒跌到低過10度
所以長袖短袖衫都要帶
一家三口去程個行李已經差唔多30kg☠️
我搭嘅係窮人恩物 HongKong express
雖然服務普普通通
但係個時間真係靚到無倫
香港一點出發
日本時間6:30到
雖然好似白白浪費咗一日
但係就唔駛影響小朋友個生理時鐘
上機位閘口都幾隔涉
之後仲要駁巴士
一分錢一分貨,冇計啦
上機正式出發
✈️✈️✈️
四粒鐘嘅機程,無無聊聊睇吓iPad 就過咗
剛才提到我哋第一晚會住響成田機場附近嘅成田巿
所以一落機根本就唔須要趕鴨仔咁一支箭衝去搭車
而係慢慢響機場買支嘢飲、唱吓錢
優哉悠哉咁扭埋隻扭蛋先出發😏
成田機場七點幾仲係好似商場咁叉多人
果時候就快到日本嘅黃金週
所以嚟自日本本土嘅遊客都唔少
未到達火車站前,先會見到一排扭蛋陣
我估呢度起碼百五部扭蛋機
而且重覆嘅款式唔多
仔細咁睇哂起碼要10分鐘
啲㗎仔幾識講嘢
叫你科水就科水啦
講到佢幫你「活用硬幣變玩具」😂
阿女當然唔執輸
氹咗媽咪畀佢「活用」咗幾廿蚊硬幣
響機場一角見到件咁嘅嘢
唔知點解
硬係形住佢個樣好似「唔撚係掛熊」
🐨🐨🐨
留言列表