由機場坐京成線到成田巿中心
車程只須要9分鐘
6歲以下細路仲要唔駛買飛:P
阿女拆完兩隻蛋 （中咗隻鴨仔）
話咁快已經到站要落車
相信大部分去過成田機場嘅人
都唔會特登到訪成田巿
甚至連聽都未聽過有個咁嘅巿鎮
正正由於少咗港客同強國人嘅足跡
先保持到呢個隱世嘅好手地方
但係呢度係非常值得作為遊覽千葉縣嘅基地：
1。距離機場勁近，有齊京成同JR線，交通方便
2。有條特色商店街
3。有大型超級巿場，方便大量入貨
4。餐廳集中而且勁高汁
我哋響車站附近嘅酒店安頓好行裝
換件厚衫就出外覓食
初春嘅日本剛剛過咗櫻花嘅季節
晚間每落起黃梅雨，氣溫就會驟降至十度樓下
須要將自己包到隻糉先可以出街
正如大部份日本嘅小鎮一樣
食肆集中哂響火車站附近
我哋隨意咁行咗一圈
見呢間嘢好多本地人入去
應該都信得過
小店只有大約十張Bar 枱座位
大叔大嬸後生仔乜人都有
拉麵店只有兩三款味道選擇：
人氣背脂拉麵、又或者辣味魚湯拉麵
我哋就每樣叫咗一碗
拉麵未上，先嚟一客餃子
佢煎到皮脆肉嫩
比起八方雲集果啲唔撚熟嘅粉皮，真係差咗十丈
跟住主菜上場
背脂醬油拉麵
首先碗嘢...好肥:P ！
好肥:P ！
好撚肥:P ！
正呀屌你老味
成春日話要減肥嘅港女見到呢碗嘢
應該掂都唔敢掂；
但作為美食主義者
見到呢碗嘢就如見到仙女下凡
就好似跌落凡間嘅金莎咁L吸引
話啲嘢肥膩而覺得唔好味嘅人
根本就唔識咩叫美食
我大淡大淡隊碗湯入口
個湯底係平時果啲九州豬骨湯，但係味道濃到不得了
試想吓室外仲凍到紅都面哂
個肚空Leu Leu 扁 Tek Tek
突然間食到淡熱辣辣嘅拉麵入口
仲要陣濃到化不開嘅豬油膏響湯面浮吓沉吓
果吓滿足感根本仲正過食十萬塊拉芝麵包
另一碗拉麵係魚介湯底
同樣溝咗豬骨湯，肥膏一樣化不開
上面啲腌京䓤非常辣，自問食得辣先好試
食完半碗個胃已經暖哂
塊面仲開始出汗
一碗拉麵先至一千円鬆啲
人哋一整日功夫先出到碗咁有質素嘅麵
呢個價錢，真係非常非常之抵
呢餐大滿足
食暖個身可以出外買零食！
食飽哂
把緊時間走圍行
成田表參道係佢主要步行街
可惜啲舖頭好早收
唯有第二日再嚟過
走咗入便利店入貨
見到隻期間限定嘅哈根大
即刻九秒九狗衝
（不過味道一般，不吃也罷）
是日宵夜
明明飽到上心口
行過日本啲便利店，總係可以再搵到啲嘢吸引你畀錢
留言列表
東京 (0)
